ປະຫວັດຫຍໍ້ຂອງອົງການກາແດງລາວ

1955: ວັນທີ 1/1/1955 ສະພາກາແດງລາວ ຖືກສ້າງຕັ້ງຂຶ້ນ (ເວລານັ້ນ ມີກາແດງພຽງແຕ່ 80 ປະເທດ ໃນທົ່ວ ໂລກ ມີສະມາຊິກກາແດງ 73 ທ່ານ, ຍິງ 2 ທ່ານ, ມີຄະນະບໍລິຫານ 7 ທ່ານ ຊຶ່ງໄດ້ຮັບການແຕ່ງຕັ້ງ ຈາກສະພາ ລັດຖະມົນຕີ ແຫ່ງລາດຊະອານາຈັກລາວ, ຕາມເອກະສານເລກທີ 71/PC, ລົງວັນທີ 26/3/1956 ທີ່ວຽງຈັນ.

1957: ຖືກຮັບຮູ້ຢ່າງເປັນທາງການ ຈາກຄະນະກຳມະການກາແດງສາກົນ (ICRC), ວັນທີ 23/5/1957, ຕາມຈົດ ໝາຍວຽກ ເລກທີ 416. ວັນທີ 25/10/1957 ໄດ້ຖືກຮັບເຂົ້າເປັນສະມາຊິກ ຂອງສະຫະພັນກາແດງ ແລະ ຊີກວົງ ເດືອນແດງສາກົນ (IFRC), ໂດຍກອງປະຊຸມ ຄັ້ງທີ ຂອງບັນດາສະມາຄົມກາແດງ ຢູ່ທີ ນິວແດນຮີ ປະເທດອິນເດຍ.

ພາຍຫຼັງທີ່ໄດ້ຮັບສ້າງຕັ້ງເປັນ ສ ປ ປ ລາວ

1976-88: ອົງການກາແດງລາວ ຂຶ້ນກັບຄວາມຮັບຜິດຊອບ ຂອງກະຊວງສາທາລະນະສຸກ (ດຣ. ຄຳລຽງ ພົນເສ ນາເປັນປະທານ).
1988-92: ອົງການກາແດງລາວຂຶ້ນກັບ ກະຊວງສາທາລະນະສຸກ ແລະ ສະຫວັດດິການສັງຄົມ.
1992: ອົງການກາແດງລາວ ໄດ້ແຍກອອກຈາກ ກະຊວງສະຫວັດດິການສັງຄົມ ໃນວັນທີ 4/4/1992, ກາຍເປັນອົງ ການຈັດ ຕັ້ງສັງຄົມນຶ່ທີ່ນເອກະລາດ ຢູ່ພາຍໃຕ້ການນຳພາຂອງພັກ ແລະ ລັດຖະບານ.
1993: ດຣ. ພູເງິນ  ດວງສິດທິ ໄດ້ຖືກແຕ່ງຕັ້ງເປັນຜູ້ຮັກສາການ ປະທານອົງການກາແດງລາວໃນວັນທີ 9/9/1993.

ໃນໄລຍະນີ້ ການປະຕິບັດວຽກງານ ແມ່ນອີງໃສ່ດຳລັດນາຍົກລັດຖະມົນຕີ,ເລກທີ 188/ນຍ, ລົງວັນທີ 30/11/1993.

ໄດ້ຂະຫຍາຍສາຂາຈຳນວນນື່ງ

• ເດືອນ 10/1993 ທີ່ແຂວງຫຼວງພະບາງ
• ເດືອນ 8/1994 ທີ່ແຂວງສະຫວັນນະເຂດ ແລະຄຳມ່ວນ
• ເດືອນ 4/1995 ທີ່ແຂວງຈຳປາສັກ ແລະສາລະວັນ
• ເດືອນ 6/1996 ທີ່ແຂວງເຊກອງ ແລະອັດຕະປື

1996-97: ໂດຍອີງໃສ່ ດຳລັດຂອງນາຍົກລັດຖະມົນຕີ, ເລກທີ 42/ນຍ, ລົງວັນທີ 2/4/1997, ໄດ້ມີການຊັບ ຊ້ອນປັບປຸງ ການຈັດຕັ້ງຄືນໃໝ່. ດຳລັດດັ່ງກ່າວ ແມ່ນວ່າດ້ວຍການແຕ່ງຕັ້ງ ດຣ. ສນິວຸຣັຊ ສຣະມານີ ເປັນປະທານ ອົງການກາແດງ ລາວ.

ໄດ້ສືບຕໍ່ປັບປຸງ ແລະ ຂະຫຍາຍສາຂາ ອອກຕື່ມອີກດັ່ງນີ້:

• ປີ 1997: ແຂວງວຽງຈັນ, ບໍລິຄຳໄຊ, ອຸດົມໄຊ ແລະບໍ່ແກ້ວ.
• ປີ 1998: ແຂວງຫົວພັນ, ຊຽງຂວາງ ແລະ ຫຼວງນ້ຳທາ
• ປີ 1999: ນະຄອນຫຼວງວຽງຈັນ ແລະ ຜົ້ງສາລີ
• ປີ 2000: ແຂວງໄຊຍະບູລີ

ທ່ານ ສະໝານ  ວິຍະເກດ ກຳມະການກົມການເມືອງສູນກາງພັກ ປະທານກິຕິມະສັກ ອົງການກາແດງລາວ	ທ່ານ ດຣ. ສນິວຸຮັຊ  ສຣະມານີ ປະທານອົງການກາແດງລາວ
ທ່ານ ດຣ. ບົວລະກົດ  ແກ້ວໄມພິດ ຮອງປະທານອົງການກາແດງລາວ	ທ່ານ ດຣ.  ກິແດງ  ທຳມະລັງສີ ເລຂາທິການໃຫຍ່ ອົງການກາແດງລາວ