::: Lao Red Cross :::

ທີ່ຕັ້ງ ແລະ ພາລະບົດບາດ.
ອົງການກາແດງລາວ ມີຊື່ຫຍໍ້ວ່າ: “CROIX-ROUGE LAO” ແມ່ນອົງການຈັດຕັ້ງທາງສັງຄົມໜຶ່ງ ໃນ ສປປ ລາວ ພາຍໃຕ້ການນຳພາຂອງພັກ ແລະ ການຊີ້ນຳໂດຍກົງຂອງລັດຖະບານ ມີສຳນັກງານໃຫຍ່ ຕັ້ງຢູ່ນະຄອນຫຼວງວຽງຈັນ. ອົງການກາແດງລາວ ມີພາລະບົດບາດຊ່ວຍລັດຖະບານ ໃນວຽກງານບັນເທົາທຸກແກ່ຜູ້ທີ່ໄດ້ຮັບ ແລະ ຜູ້ດ້ອຍໂອ ກາດ, ຊ່ວຍປົກປັກຮັກສາສຸຂະພາບ ຂອງປະຊາຊົນ ບັນດາເຜົ່າ, ປະກອບສ່ວນຢ່າງຕັ້ງໜ້າ ເຂົ້າໃນຂະບວນການມະນຸດສະ ທຳ ຕາມ 7 ຫຼັກການ ຂອງຂະບວນການ ກາແດງ ແລະ ຊີກວົງເດືອນແດງສາກົນ.

ສິດ ແລະ ໜ້າທີ່ຂອງອົງການກາແດງລາວ.

ຜັນຂະຫຍາຍແນວທາງນະໂຍບາຍຂອງພັກ, ກົດໝາຍຂອງລັດ.
ຄົ້ນຄວ້າເກັບກຳຂໍ້ມູນ ກ່ຽວກັບວຽກງານອານາໄມກັນພະຍາດ, ຈັດຫາເລືອດ, ປະຖົມພະຍາບານ, ຜູ້ປະສົບໄພ ພິບັດ ຈາກທຳມະຊາດ ແລະ ມະນຸດສ້າງຂຶ້ນ.
ປະສານສົມທົບ ກັບອົງການຈັດຕັ້ງ ທຸກພາກສ່ວນທີ່ກ່ຽວຂ້ອງ ໃຫ້ຂໍ້ມູນຂ່າວສານ, ເຜີຍແຜ່ພາລະບົດບາດ ຂອງກາແດງ ອອກສູ່ມະຫາຊົນ, ປຸກລະດົມທຸກຊັ້ນຄົນ ໃຫ້ມີນ້ຳໃຈມະນຸດສະທຳ.
ສືບທາວຫາຍາດພີ່ນ້ອງ ທີ່ພັດພາກຈາກກັນ.
ປັບປຸງ, ລົບລ້າງການຈັດຕັ້ງ, ຍ້ອງຍໍ, ປະຕິບັດວິໄນ, ປົດຕຳແໜ່ງພະນັກງານ ລັດຖະກອນ ໃນເຂດຄວາມ ຮັບຜິດຊອບຂອງຕົນ.
ອອກຄຳສັ່ງ, ແນະນຳ ແລະ ແຈ້ງການ ຕາມພາລະບົດບາດຂອງຕົນ.
ສ້າງແຜນງົບປະມານປະຈຳປີ ຂອງກາແດງສູນກາງ ແລະ ສາຂາແຂວງ.
ກວດກາຂະແໜງການ ແລະສາຂາທ້ອງຖີ່ນ.
ພົວພັນ, ຮ່ວມມືກັບບັນດາກາແດງສາກົນ ແລະອົງການຈັດຕັ້ງສາກົນອື່ນໆ ທີ່ກ່ຽວຂ້ອງ.
ນຳໃຊ້ງົບປະມານຂອງລັດ ນຳໃຊ້ທຸກແຫຼ່ງທຶນ ເພື່ອປະຕິບັດກິດຈະກຳຂອງຕົນຢ່າງເໝາະສົມ.