| |
ຂ່າວແລະເຫດການ
ສູນບໍລິຈາກເລືອດ ສົ່ງພະນັກງານເຂົ້າຮ່ວມກອງປະຊຸມ ປຸກລະດົມບໍລິຈາກ ເລືອດອາຊຽນ
ຄັ້ງທີ່ 6 ທີ່ປະເທດຟີລິບປິນ 18-21 ສິງຫາ 2008
 |
ໃນລະຫວ່າງວັນທີ່ 18-21 ສິງຫາ 2008
ຜ່ານມາ,ສູນບໍລິຈາກເລືອດອົງການກາແດງ
ລາວໄດ້ສົ່ງພະນັກງານວິຊາການເຂົ້າ
ຮ່ວມກອງປະຊຸມປະຈຳປີ
ເລື່ອງການບໍລິຈາກເລືອດ ຂອງບັນດາປະເທດ
ສະມາຊິກອາຊີຕາເວັນອອກສ່ຽງໃຕ້ຄັ້ງທີ່ 6
( ອາຊຽນ ) ທີ່ປະເທດຟີລິບປີນເປັນເຈົ້າພາບ
ຊຶ່ງມີບັນດາປະເທດສະມາ ຊິກເຂົ້າຮ່ວມ
9 ປະເທດ,ເຊັ່ນ : ລາວ,ຫວຽດນາມ, ກຳປູເຈຍ ,
ມຽນມ້າ, ໄທ, ສິງກະໂປ , ມາເລເຊຍ ,ອິນໂດເນ
ເຊຍ ແລະ ຟີລິບປີນເຈົ້າພາບ. |
ກອງປະຊຸມດັ່ງກ່າວໄດ້ທົບທວນຄືນຜົນສຳ
ເລັດຂອງການຈັດຕັ້ງ ປະຕິບັດ ການປຸກ
ລະ ດົມຂົນຂວາຍ ຜູ້ບໍລິຈາກເລືອດ
ແບບສະໝັກໃຈບໍ່ຮຽກ
ຮ້ອງສິ່ງຕອບແທນ ໃນໄລຍະ
1 ປີຜ່ານ ມາໂດຍຕາງໜ້າແຕ່
ລະປະເທດໄດ້ນຳ ເອົາຜົນສຳເລັດຂອງ
ວຽກງານປຸກລະດົມບໍລິຈາກ
ເລືອດມາແລກປ່ຽນບົດຮຽນຊຶ່ງກັນແລະ
ກັນ. ສຳລັບ ເປົ້າໝາຍຂອງ ການຈັດຫາ
ເລືອດໃນຂົງເຂດ ແມ່ນແນໃສ່ໃຫ້
ມີຜູ້ບໍລິຈາກເລືອດແບບ
ປະຈຳ , ຕໍ່ເນື່ອງຮັບປະກັນຄວາມພຽງ
ພໍ ແລະ ປອດ ໄພຕໍ່ຜູ້ຮັບເລືອດ ສຳລັບ
ສປປລາວ ໃນໄລຍະ 6 ເດືອນຕົ້ນປີ 2008 ມີຜູ້ບໍລິຈາກເລືອດແບບ ສະໝັກ
ໃຈ ເຖິງ 85% . |
| ກອງປະຊຸມ ຄັ້ງຕໍ່ໄປປີ 2009 ຈະໄດ້ຈັດຢູ່ທີ່ BALI ປະເທດ ອິນໂດເນເຊຍ |
ເພື່ອເຮັດໃຫ້ວຽກງານການປຸກລະດົມຂົນຂວາຍຜູ້ບໍລິຈາກເລືອດແບບສະໝັກໃຈບໍ່ຮຽກ
ຮ້ອງສິ່ງຕອບແທນໄດ້ບັນລຸຕາມເປົ້າໝາຍທີ່ຕັ້ງໄວ້ໃນຕໍ່ໜ້າ , ດັ່ງນັ້ນ
ສູນບໍລິຈາກເລືອດ ອົງການກາ ແດງລາວໄດ້ຮ່ວມກັບສະຖານທີ່ຕ່າງໆເຊັ່ນ: ພາກສ່ວນ
ສະຖາບັນການສຶກສາຂັ້ນມະຫາວິທະຍາໄລ , ໂຮງຮຽນ ວິຊາຊີບ ,
ໂຮງຮຽນ ມັດທະຍົມຕອນປາຍ, ກົມກອງທະຫານທັງຢູ່ໃນນະຄອນ ຫຼວງ ວຽງຈັນ ,
ແຂວງ ວຽງຈັນ ແລະ ແຂວງ ບໍລິຄຳໄຊ ໄດ້ເຂົ້າຮ່ວມໃນການຝຶກອົບຮົມວິທີການໃຫ້
ຄວາມຮູ້ພື້ນຖານກ່ຽວກັບການ ບໍລິຈາກເລືອດ ທັງນີ້ກໍ່ເພື່ອແນໃສ່ເຮັດໃຫ້ເຂົາເຈົ້າເຫຼົ່ານັ້ນ ເຂົ້າໃຈແລ້ວສາມາດໄປປຸກລະດົມຜູ້ອື່ນມາຮ່ວມບໍລິຈາກເລືອດນັບມື້ຫຼາຍ
ຂື້ນກວ່າເກົ່າ .
ຈຳນວນຜູ້ເຂົ້າຮ່ວມຝຶກອົບຮົມ ສ່ວນຫຼາຍແມ່ນ ຄະນະນຳ ແລະ ຜູ້
ຮັບຜິດຊອບກິດຈະກຳຂອງແຕ່ລະສະຖານທີ່ ຊຶ່ງເຫັນວ່າພາຍຫຼັງທີ່ສຳເລັດການຝືກອົບຮົມແລ້ວເຮັດ
ໃຫ້ຜູ້ບໍລິຈາກເລືອດເພີ່ມຂື້ນຫຼາຍກວ່າເກົ່າ. |
9 ເດືອນຕົ້ນປີ 2008 ສູນບໍລິຈາກເລືອດໄດ້ຮັບເລືອດ 7.527 ເທື່ອຄົນ
ໂດຍອີງຕາມແຜນຈັດຫາເລືອດ ປີ 2008 , ທີ່ໄດ້ວາງແຜນຮ່ວມກັນກັບພາກສ່ວນ
ຕ່າງໆຂອງສັງຄົມຊຶ່ງມີຕົວເລກຄາດໝາຍສູ້ຊົນ 10.000 ຖົງ
ຢູ່ສູນບໍລິຈາກເລືອດແຫ່ງຊາດ ແລະ 10.000 ຖົງ ຢູ່ບັນດາສາຂາແຂວງ ທົ່ວປະເທດ .
ຜ່ານການຈັດຕັ້ງປະຕິບັດຕົວຈີງ ເຫັນວ່າທາງສູນສາມາດເຈາະເກັບ
ເລືອດໄດ້ແລ້ວ 7.527 ຖົງ ເທົ່າກັບ
75,27% ຂອງແຜນການ, ສຳລັບຢູ່ສາຂາແຂວງ ສາມາດເກັບເຈາະໄດ້
55% ຂອງແຜນການທີ່ວາງໄວ້ . |
|
|
