ກາແດງຖືກກຳເນີດຂຶ້ນມາ ເພື່ອການຊ່ວຍເຫຼືອບັນເທົາທຸກເພື່ອນມະນຸດ ມີຈຸດປະສົງຄື ການປ້ອງກັນຊີວິດ ແລະ ສຸຂະພາບການເຄົາລົບ ໃນສິດຂອງມະນຸດ ຮ່ວມທັງການສົ່ງເສີມ ສຳພັນທະພາບ ຄວາມຮ່ວມມື ເພື່ອສັນຕິສຸກທີ່ຢຶນຍົງ ຂອງມວນມະນຸດ.  

ກາແດງບໍ່ໄດ້ຈຳແນກເຊື້ອຊາດ, ສາດສະໜາ, ຊົນຊັ້ນ ແລະ ລັດທິການເມືອງມີໜ້າທີ່ ຊ່ວຍເຫຼືອເພື່ອນມະນຸດ ດ້ວຍກັນ ຕາມຄວາມຕ້ອງການທີ່ຈຳເປັນ ຄວາມຮີບດ່ວນຂອງບັນຫາ ເພື່ອປ້ອງກັນຊີວິດ ແລະ ສຸຂະພາບ.

ກາແດງບໍ່ເຂົ້າຂ້າງຝ່າຍໃດຝ່າຍນຶ່ງ ບໍ່ເຂົ້າໄປມີສ່ວນຮ່ວມ ໃນການຂັດແຍ່ງ ທາງການເມືອງ, ເຊື້ອຊາດ, ສາດສະ ໜາ ຫຼືຄວາມຄິດເຫັນແນວໃດໆ  ບໍ່ວ່າເວລາໃດກໍຕາມ.

ກາແດງເປັນອົງກອນອິດສະຫຼະ ໃຫ້ຄວາມຊ່ວຍເຫຼືອດ້ານມະນຸດສະທຳ ໂດຍບໍ່ຂຶ້ນກັບ ລັດຖະບານ ແຕ່ຕ້ອງປະຕິ ບັດຕາມ 7 ຫຼັກການພື້ນຖານຂອງຂະບວນການກາແດງ ແລະລະບຽບກົດໝາຍຂອງລັດຖະບານຢູ່ສະເໝີ.

ກາແດງເປັນອົງກອນສາທາລະນະກຸສົນ ເຮັດວຽກດ້ວຍຄວາມສະໝັກໃຈ ເຕັມໃຈ ແລະ ບໍ່ຄິດຫັວງສິ່ງຕອຍແທນ ຈາກການກະທຳ ໜ້າທີ່ໃຫ້ການບໍລິການຕ່າງໆ.

ແຕ່ລະປະເທດ ມີສະພາກາແດງ ຫຼື ສະພາຊີກວົງເດືອນແດງ ໄດ້ພຽງແຕ່ສະພາດຽວ ເຮັດໜ້າທີ່ ບໍລິການດ້ານ ມະນຸດສະທຳ ເພື່ອຊ່ວຍເຫຼືອຜູ້ທຸກຍາກ ຜູ້ປະສົບໄພຕ່າງໆ ໃນທົ່ວປະເທດ.

ສະພາກາແດງ ຫຼື ຊີກວົງເດືອນແດງ ເປັນອົງກອນ ທີ່ມີຢູ່ໃນໂລກ ມີຖານະ ຄວາມຮັບຜິດຊອບ ແລະ ໜ້າທີ່ໃນ ການໃຫ້ຄວາມຊ່ວຍເຫຼືອ ຊຶ່ງກັນ ແລະ ກັນ ແລະ ເທົ່າທຽມກັນ